O‘zbekiston Respublikasi Suv хo‘jaligi vazirligi

«Uchqizil» suv ombori Termiz hamda Angor tumanlarining 6100 gektar ekin maydonlarini obihayot bilan ta’minlashga xizmat qiladi. Suv to‘plash hovuzining maydoni o‘n ming gektardan iborat bo‘lib, suv to‘plash sig‘imi 160 million metr kub. Amudaryodan suv oluvchi «Zang» kanalidan «Zang-9» kanali orqali to‘ldiriladi. Suv ombori yaqinida «Janub gavhari» sog‘lomlashtirish sanatoriyasi qurilgan bo‘lib, sog‘lomlashtirish maskani hudududi doimiy yashillikka burkanib, daraxtlar yashnab turishida suv omborining ahamiyati o‘ziga xos. Bundan tashqari, sog‘lomlashtirish sanatoriyasiga kelib-ketuvchi davolanuvchilarning miriqib hordiq chiqarishlari va xastaliklariga shifo topishi uchun sun’iy dengizning xizmati katta. Chunki Kattaqum qum barxanlari orasida joylashgan sog‘lomlashtirish sanatoriyasi hududi iqlimi qishin-yozin mo‘tadil bo‘lishida suv omboridan esib turadigan mayin shabada o‘ziga xos ahamiyat kasb etadi.