SUVCHI AYOLGA EHTIROM
2025-12-11 17:20:00 / Yangiliklar
Mamlakatimizda qishloq va suv xo‘jaligi tizimida ko‘p yillardan buyon fidokorona mehnat qilayotgan, soha taraqqiyotini yangi bosqichga ko‘tarishga hissa qo‘shayotgan mutaxassislar mehnati yuksak qadrlanmoqda.
Sayxunobod tumani “Suv yetkazib berish xizmati” davlat muassasasi bosh muhandisi Zoxida Raxmanova Prezidentimiz Farmoniga asosan “Shuhrat” medali bilan taqdirlandi. Shuningdek, u “O‘zbekiston Respublikasi Suv xo‘jaligi a’lochisi” ko‘krak nishoniga ham sazovor bo‘ldi.
Quyi Sirdaryo ITHB boshlig‘i Nurkamol Ataqulov sirdaryolik suvchilar nomidan Zoxida Raxmanovani qutladi.
– Suv resurslarini boshqarish, suvdan foydalanish madaniyatini yuksaltirishda Zoxida opaning hissasi beqiyos, – dedi Quyi Sirdaryo ITHB boshlig‘i Nurkamol Ataqulov. – Bunday fidoiy, mas’uliyatli va tashabbuskor xodimlarimiz bilan faxrlanamiz. Ularning mehnati nafaqat bir hudud, balki butun soha taraqqiyoti uchun xizmat qiladi.
Quyi Sirdaryo ITHB matbuot xizmati