Vazirlar Mahkamasi huzuridagi O'zbekiston texnik jihatdan tartibga solish agentligi

Ma’lumot uchun - Bozorni tartibga solish bo‘yicha davlat administratsiyasi (SAMR) 2018 yilda tashkil topgan. Oziq-ovqat xavfsizligi, sog‘lom bozor raqobati, monopoliya faoliyati, bozor subyektlarini ro‘yxatdan o‘tkazish, sanoat xavfsizligi,  standartlashtirish, metrologiya, sinovlar, inspeksiya, muvofiqlikni baholash,  davlat nazorati,  sifat nazorati, milliy sifat infratuzilmasini shakllantirish bo‘yicha tartibga soluvchi davlat boshqaruv organi xisoblanadi.
O‘zbekiston Respublikasi Tashqi ishlar vazirligi, O‘zbekiston Respublikasining Xitoy Xalq Respublikasidagi elchixonasi  hamkorligida tashkil etilgan uchrashuvda O‘zbekiston bilan Xitoy o‘rtasidagi texnik tartibga solish, standartlashtirish, metrologiya va muvofiqlikni baholash sohasida ko‘p qirrali hamkorlik va amaliy sheriklikni yanada kengaytirish, malakali kadrlar tayyorlash, grantlar va texnik ko‘makni jalb etish masalalari ko‘rib chiqildi.
Ishbilarmonlarning aloqalari uchun yanada qulay sharoitlar yaratish, o‘zaro savdo hajmini oshirish, tarkibini diversifikatsiya qilish, savdodagi texnik to‘siqlarni bartaraf etish zarurligi qayd etildi.
Standartlashtirish sohasida texnik qo‘mitalar faoliyatini  rivojlantirish, ISO, IEC halqaro standartlashtirish tashkilotlarida hamkorlik,  elektromobillar va fotoelektrik sohasida standartlarni ishlab chiqish,  mutaxassislarning kasbiy bilim, ko‘nikma va malakasini doimiy oshirib borishga kelishildi.
Iqtisodiy va savdo munosabatlaridagi texnik to‘siqlarni bartaraf etish va eksportyor korxonalar uchun qulay shart-sharoitlar yaratish maqsadida O‘zbekiston Respublikasi Hukumati bilan Xitoy Hukumati o‘rtasida  standartlashtirish, metrologiya va muvofiqlikni baholash to‘g‘risidagi Bitim imzolash va qo‘shma ishchi guruh tuzish taklifi berildi.
Xitoy xalqaro taraqqiyot va hamkorlik agentligi (CIDCA) grantini jalb etgan holda hamkorlikda Kvant metrologiya laboratoriyasini barpo etish,  "Bir makon, bir yul"  texnik ko‘magi orqali trening-seminarlar va stajirovkalar tashkil etish taklif etildi.
Uchrashuv natijasiga ko‘ra 5 ta xujjat: Standartlashtirish sohasida litsenziya shartnomasi,  Hamkorlik bayoni, Metrologiya sohasida yo‘l xaritasi, Akkreditatsiya sohasida hamkorlik yuzasidan anglashuv Memorandumi, Mahsulot sifati va xavfsizligi nazorati bo‘yicha hamkorlik bayoni imzolandi.  
Shu bilan birga, Xitoy milliy metrologiya instituti (NIM China), China Testing & Certification International Group Co., Ltd (STS) va China Certification ＆ Inspection Group (CCIC) bilan uchrashuvlar o‘tkazildi.
Hamkorlikni yangi bosqichga olib chiqish, tomonlarning ulkan salohiyatidan to‘liq foydalanish, yangi istiqbolli loyihalarni kengaytirish va yanada chuqurlashtirishga alohida e’tibor qaratildi va laboratoriyalar faoliyati bilan tanishildi.
Eksport bozorlarini kengaytirish maqsadida  savdodagi texnik to‘siqlar, eksport-import mahsulotlarga qo‘yilgan talablarga  e’tibor qaratildi, sinov sohasida qo‘shma loyihalar amalga oshirish takliflari berildi.
“UzTEST” va China Certification & Inspection Group (CCIC), Central Asia Co..LTD  o‘rtasida “Yo‘l xaritasi” imzolandi.
Uchrashuv yakunlari bo‘yicha tomonlar bundan buyon ham O‘zbekiston va Xitoy o‘rtasida soha yo‘nalishida ikki tomonlama hamkorlikni mustahkamlash uchun barcha sa’y-harakatni ishga solishga tayyor ekanliklarini bildirdi.