Texnik qo‘mitaning navbatdagi majlisi bo‘lib o‘tdi
2025-01-13 17:45:00 / Yangiliklar
O‘zbekiston texnik jihatdan tartibga solish agentligi direktori Akmal Jumanazarov hamda "O‘zbekneftgaz" aksiyadorlik jamiyati boshqaruvi raisi Bahodirjon Sidiqov "O‘zneftgazmahsulot" STQ 35 texnik qo‘mitasining navbatdagi majlisida ishtirok etdi.
Neft va gaz sohasidagi amaldagi standartlar va texnik reglamentlar tahliliga bag‘ishlangan mazkur yig‘ilishda milliy standartlarni Jahon savdo tashkiloti talablariga moslashtirish, o‘z ahamiyatini yo‘qotgan va maʼnan eskirgan standartlarni qayta ko‘rib chiqish hamda ularning o‘rniga xalqaro standartlarni qabul qilish masalalari ko‘rib chiqildi.
Kun tartibidagi texnik reglamentlar va standartlar texnik qo‘mita a’zolari tomonidan keng miqyosda muhokama qilinib, joriy yildagi dasturga muvofiq amalga oshirilishi lozim bo‘lgan muhim vazifalar belgilab olindi.