Oziq-ovqat mahsulotlari xavfsizligini taʼminlashga qaratilgan uchrashuv bo‘lib o‘tdi
2025-01-16 12:30:00 / Yangiliklar
Unda Qishloq xo‘jaligi vazirligi, O‘simliklar karantini va himoyasi agentligi, Sanitariya-epidemiologik osoyishtalik va jamoat salomatligi qo‘mitasi, Veterinariya va chorvachilikni rivojlantirish qo‘mitasi vakillari bilan kun tartibidagi masalalar muhokama qilindi.
Oziq-ovqat sohasiga taalluqli amaldagi 10 ta texnik reglament obyektlarining xavfsizlik talablarini tegishli sanitariya qoidalari va me’yorlarini (SanQvaM) ishlab chiqib, 2025-yil 1-mayga qadar tasdiqlanishi belgilanganligini inobatga olgan holda ishlarni jadallashtirish zarurligi masʼullar tomonidan alohida ta’kidlandi.
Muloqot chog‘ida shuningdek, Jahon savdo tashkilotining sanitariya va fitosanitariya choralari to‘g‘risidagi bitim asosida Sog‘liqni saqlash vazirligi tomonidan ishlab chiqilgan "Oziq-ovqat mahsulotining xavfsizligi to‘g‘risida"gi O‘zbekiston Respublikasi Qonuni loyihasida vakolatli davlat organlarining oziq-ovqat mahsulotlarining xavfsizligi yo‘nalishidagi aniq vazifalariga to‘xtalib o‘tildi.