Yangi texnik reglament va standartlarni ishlab chiqish masalalari muhokama qilindi
2025-01-17 18:00:00 / Yangiliklar
"O‘zneftgazmahsulot" STQ 35 texnik qo‘mitasining navbatdagi majlisida O‘zbekiston texnik jihatdan tartibga solish agentligi direktori Akmal Jumanazarov hamda "O‘zbekneftgaz" aksiyadorlik jamiyati boshqaruvi raisi Bahodirjon Sidiqov ishtirok etdi.
Unda neft va gaz sohasidagi amaldagi standartlar va texnik reglamentlarning bugungi holati tahlil qilinib, xalqaro talablarga javob bermaydigan va o‘z ahamiyatini yo‘qotgan normativ hujjatlardan voz kechish, ularning o‘rniga Jahon savdo tashkiloti talablariga mos keladigan xalqaro standartlarni qabul qilish masalalari muhokama etildi.
Bundan tashqari, texnik qo‘mita a’zolari tomonidan joriy yilda texnik reglamentlar va standartlarni ishlab chiqish dasturiga muvofiq amalga oshirilishi lozim bo‘lgan vazifalar va kun tartibidagi loyihalar taqdimoti keng miqyosda ko‘rib chiqilib, o‘zaro fikr-mulohazalar almashildi.