Vazirlar Mahkamasi huzuridagi O'zbekiston texnik jihatdan tartibga solish agentligi

Konstruktiv ruhda bo‘lib o‘tgan uchrashuvda hozirgi globallashuv va bozor iqtisodiyoti sharoitida salohiyatli, bilimli, mas’uliyatli, raqobatbardosh kadrlarni yetishtirish har qachongidan dolzarb masalaga aylanganligi, har qanday davlatni iqtisodiy, siyosiy, ijtimoiy-iqtisodiy rivojlanishida malakali kadrlar muhim o‘rin tutishi qayd etildi.

Texnik jihatdan tartibga solish, shu jumladan, standartlashtirish va metrologiya sohalarida jahonning yetakchi ilmiy-ta’lim muassasalari bilan yaqin hamkorlik aloqalari o‘rnatish, Erasmus+ grant va texnik qo‘maklarni jalb etish, malaka oshirish kurslarida xorijiy ta’lim muassasalaridagi yuqori malakali o‘qituvchilar va olimlardan foydalanish, xodimlarning amaliyot o‘tash masalalari muhokama qilindi.

Agentlikni Erasmus+ loyihasida ro‘yxatdan o‘tkazish, loyihalarda faol ishtirok etib kelayotgan oliy o‘quv yurtlari hamkorligida raqobatbardosh Erasmus+ loyihasini ishlab chiqish,  Erasmus+ imkoniyatlari va 2025-yil tanlovlari mavzusida amaliy seminar-treninglar tashkil etishga kelishildi. Erasmus+ loyihasi doirasida malakali kadrlarni tayyorlash ustuvor vazifa sifatida belgilab olindi.

Uchrashuv yakunlari bo‘yicha faol muloqotlar va hamkorlik darajasini ko‘tarish va barcha sohalarda aloqalarni kengaytirish yuzasidan kelishuvga erishildi.