Vazirlar Mahkamasi huzuridagi O'zbekiston texnik jihatdan tartibga solish agentligi

✅ «Yoshlar kuni» munosabati bilan intiluvchan va tashabbuskor yoshlar uchun mazmunli hamda ko‘tarinki ruhdagi ma’naviy-ma’rifiy tadbir tashkil etildi.
 

Tadbir davomida yoshlikning bebaho davri, orzu-maqsadlar sari dadil intilish, muntazam izlanish va o‘z ustida ishlashning hayotiy ahamiyati haqida atroflicha fikr yuritildi. Zero, hayotning eng qimmatli saboqlari nafaqat kitoblardan, balki katta hayot yo‘lini bosib o‘tgan, o‘z mehnati va iste’dodi bilan el mehrini qozongan insonlar tajribasidan ham o‘rganiladi.

Uchrashuvning maxsus mehmoni — kino olamining taniqli va sevimli aktyori Ulug‘bek Qodirov

ishtirokchilar bilan uchrashib, o‘z ijodiy faoliyati, kino san’atidagi boy tajribasi, hayotiy qarashlari hamda muvaffaqiyat sari bosib o‘tgan zahmatli yo‘li haqida so‘zlab berdi.

✅ Ochiq va samimiy muloqot tarzida kechgan savol-javoblar davomida yoshlar o‘zlarini qiziqtirgan barcha savollarga batafsil javob oldilar.

✅ Aktyorning ijod yo‘lidagi qiziqarli voqealari va hayotiy mulohazalari ishtirokchilarda alohida taassurot qoldirdi. Ushbu samimiy muloqot yoshlarni ezgu maqsadlar sari dadil intilish, o‘z iste’dodini to‘liq namoyon etish va kelajak uchun munosib poydevor yaratishga ruhlantirdi.