Jahon banki granti doirasida standartlashtirish sohasida trening-seminar o‘tkazildi
2026-08-13 10:00:00 / Yangiliklar
🔵 O‘zbekiston Respublikasi Texnik jihatdan tartibga solish agentligi boshchiligida O‘zbekiston standartlar institutida Jahon bankining «Institutsional salohiyatni rivojlantirish» grant loyihasi doirasida texnik jihatdan tartibga solish va standartlashtirish sohasida trening-seminar tashkil etildi.
🔴 Trening-seminarni Jahon banki eksperti Glen Bosman olib bordi. Unda standartlashtirish tizimini takomillashtirish, texnik reglamentlarni ishlab chiqish va qo‘llash, milliy standartlashtirish strategiyasini shakllantirish hamda texnik qo‘mitalar faoliyatini samarali tashkil etish masalalari muhokama qilindi.
Tadbir davomida xalqaro tajriba va ilg‘or yondashuvlar asosida standartlashtirish sohasini institutsional rivojlantirish, texnik qo‘mitalar salohiyatini oshirish hamda milliy standartlarni xalqaro talablar bilan uyg‘unlashtirish bo‘yicha amaliy tavsiyalar berildi.
Shuningdek, ishtirokchilar va Jahon banki eksperti o‘rtasida fikr va tajriba almashinuvi tashkil etilib, sohani yanada rivojlantirishga qaratilgan dolzarb masalalar yuzasidan muhokamalar o‘tkazildi.
🟤 Mazkur trening-seminar texnik jihatdan tartibga solish milliy tizimining institutsional salohiyatini mustahkamlash, xalqaro standartlar va ilg‘or xorijiy tajribani milliy amaliyotga joriy etishda muhim ahamiyat kasb etdi.