Vazirlar Mahkamasi huzuridagi O'zbekiston texnik jihatdan tartibga solish agentligi

✅ Texnik jihatdan tartibga solish agentligi mas’ullari tomonidan Toshkent viloyatida joylashgan “Bo‘stonliq-farm” erkin iqtisodiy zonasida eksportga chiqmagan korxonalar faoliyati joyiga chiqqan holda o‘rganildi.
 

O‘rganish davomida “Planta farm” MChJ, “NAFF medical” MChJ, “SV micro biology” MChJ, “Mu Lin Sen Group” MChJ, “Radiks” MChJ, “Best core” MChJ, “Bio milk” MChJ korxonalarining ishlab chiqarish jarayonlari hamda amalga oshirilayotgan loyihalari bilan yaqindan tanishildi.

✅ Korxonalarda texnik jihatdan tartibga solish sohasiga oid mavjud muammolar va takliflar muhokama qilinib, xalqaro standartlarni joriy etish bo‘yicha amaliy yordam ko‘rsatildi.
 

Jumladan, “Bio milk” MChJ korxonasiga sut mahsulotlari uchun “Halol” xalqaro sertifikatini olishda amaliy yordam ko‘rsatildi. Shuningdek, “Radiks” MChJ korxonasida ishlab chiqarilayotgan bint mahsulotlariga ISO 9001 xalqaro standartini joriy etish bo‘yicha amaliy ko‘mak ko‘rsatishga kelishib olindi.

✅ Shuningdek, Prezidentimiz tomonidan 2026-yil 16-fevralda qabul qilingan PF–25-son Farmonning mazmun-mohiyati hamda uning ijrosi doirasida amalga oshirilayotgan islohotlar tadbirkorlik subyektlariga atroflicha tushuntirildi.

✅Xususan, korxonalarni qo‘llab-quvvatlash, ularning xalqaro bozorlarga chiqish imkoniyatlarini kengaytirish, sifat infratuzilmasi talablariga muvofiq faoliyat yuritishini ta’minlash hamda ishlab chiqarishda xalqaro standartlarni joriy etish masalalariga alohida e’tibor qaratildi.

✅ Mazkur ishlar sanoat korxonalarining ishlab chiqarish salohiyatini yuksaltirish, mahsulotlar sifatini xalqaro talablar darajasiga olib chiqish, eksport geografiyasini kengaytirish hamda tadbirkorlik subyektlarining tashqi bozorlardagi raqobatbardoshligini oshirishga xizmat qiladi.