Xalqaro konsalting ekspertlari bilan metrologiya sohasidagi islohotlar muhokamasi
2026-06-28 12:00:00 / Yangiliklar
🌸 Texnik jihatdan tartibga solish agentligida “Milliy sifat infratuzilmasidagi islohotlarni qo‘llab-quvvatlash” loyihasi doirasida xalqaro konsalting kompaniyasi Policy and Management Consulting Group (PMCG) ekspertlari Nino Javakhadze va Otar Anita bilan uchrashuv bo‘lib o‘tdi.
💜 Uchrashuv davomida metrologiya sohasidagi islohotlarning bugungi holati, huquqiy bazani yanada takomillashtirish, milliy etalonlar bazasini rivojlantirish, davlat metrologiya nazorati tizimini takomillashtirish hamda sohada xususiy sektor ishtirokini kengaytirish masalalari yuzasidan atroflicha fikr almashildi.
Shuningdek, O‘zbekistonning Xalqaro o‘lchovlar va tarozilar byurosi (BIPM) hamda Metrik konvensiyaning to‘la huquqli a’zosi, shuningdek, EURAMET tashkilotining assotsiatsiyalashgan a’zosi sifatidagi ishtiroki PMCG ekspertlari tomonidan yuqori baholandi. Tomonlar Prezidentning 2026-yil 16-fevraldagi PF–25-son Farmoni ijrosi doirasida amalga oshirilayotgan ishlar yuzasidan ham fikr almashdilar.
Uchrashuv yakunida milliy sifat infratuzilmasini xalqaro talablar asosida yanada takomillashtirish, o‘zaro hamkorlikni kengaytirish hamda qo‘shma loyihalarni amalga oshirish bo‘yicha hamkorlikni izchil davom ettirishga tayyor ekanliklari ta’kidlandi.