Navoiy davlat universitetining yangi kampusi qurilishi davom etmoqda
2025-12-22 16:20:00 / Ta'lim
Bugun Navoiy viloyati hokimi Normat Tursunov Yangi Navoiy shaharchasi hududidagi 19 gektar maydonda qad roslayotgan Navoiy davlat universitetining yangi kampusi qurilishi bilan tanishdi.
2027- yilga qadar bitkazilishi rejalashtirilgan talabalar shaharchasida 12 ming o‘rinli o‘quv binolari, 2 ming 400 o‘rinli talabalar turar joylari, sport inshootlari, amfiteatr, sayilgoh, zamonaviy o‘quv laboratoriyalari, muzey, ilmiy-tadqiqot va kovorking markazlari, kutubxona, ochiq va yopiq tipdagi basseyn va boshqa infratuzilmaga ega zamonaviy binolar quriladi.
Ma’lumot uchun aytish kerakki, Yangi Navoiy shaharchasida balandligi 7 dan 32 qavatgacha bo‘lgan turar joylar, maktablar, bog‘chalar va poliklinika, shuningdek, yirik istirohat bog‘i va universitetning yangi binosi qurilishi rejalashtirilgan.