Zamonaviy ta’lim makoni sari: yangi o‘quv binosida nazorat ishlari
2025-12-18 16:35:00 / Yangiliklar
Navbatdagi o‘rganishlar Navoiy shahrida bunyod etilayotgan Navoiy davlat universitetining yangi binosida o‘tkazildi. Nazorat jarayonida qurilish ishlarining amaldagi holati, foydalanilayotgan qurilish materiallarining sifati, shuningdek, bajarilayotgan ishlarning loyiha hujjatlari hamda belgilangan me’yoriy talablarga muvofiqligi atroflicha ko‘zdan kechirildi.
O‘rganish yakunida pudrat tashkilotiga qurilish ishlarini tasdiqlangan loyiha asosida, sifat va xavfsizlik talablariga qat’iy rioya etgan holda olib borish yuzasidan tegishli tavsiyalar berildi.
Qayd etish joizki, shaharsozlik me’yorlariga to‘liq amal qilingan holda amalga oshirilgan qurilish ishlari talaba-yoshlar uchun xavfsiz, qulay va zamonaviy ta’lim muhitini yaratishga xizmat qiladi.
Hududlarda qurilish obyektlari ustidan nazorat tadbirlari belgilangan reja asosida davom ettirilmoqda.