Navoiyda “Savate” sport turi bo‘yicha xalqaro seminar bo‘lib o‘tmoqda
2025-12-08 08:40:00 / Sport va madaniyat
Navoiy shahrida Savat – fransuz boksi yo‘nalishida xalqaro trenerlik va texnik seminar start oldi.
“TuronBank” ATB tomonidan tashkil etilgan ushbk seminarda Osiyo “Savate” Konfederatsiyasi prezidenti Hamid Reza Hesaraki hamda Xalqaro toifadagi trener Rafayel Kourosh ishtirokida amaliy va nazariy mashg‘ulotlar o‘tkazilmoqda.
Seminarning maqsadi yosh sportchilar malakasini oshirish, kelgusida ularni xalqaro darajadagi murabbiy sifatida tayyorlashdir.
Mashg‘ulotlarda 25 nafar iqtidorli yoshlar qatnashmoqda. Seminar yakunida imtihondan o‘tgan ishtirokchilarga xalqaro trenerlik sertifikatlari topshiriladi.