Zarafshonlik yoshlar uchun imkoniyat
2025-12-04 12:30:00 / Ta'lim
Zarafshon shahar hokimi Nazirbek Rahmanov "Shamol Zarafshan Energy" kompaniyasining jamoatchilik bilan aloqalar boʻyicha mutaxassisi Durdona Karimovani qabul qildi.
Uchrashuv davomida kompaniya tomonidan tashkillashtirilgan jamoatchilikni qoʻllab quvvatlash dasturlari muhokama qilindi. Xususan, dekabr oyida Zarafshon shahar hokimligi va shahar MMTB tomonidan oʻtkaziladigan "Mock test" imtihonlarida yuqori ball toʻplagan 20 ta zarafshonlik yoshlarning IELTS imtihonida qatnashish xarajatlari kompaniya tomonidan toʻlab beriladi.
Shahar hokimi kompaniya tomonidan amalga oshiriladigan bunday xayrli tashabbuslarni Zarafshon shahar hokimligi qoʻllab-quvvatlashga doim tayyor ekanligini maʼlum qildi.