Oʻzbekiston va Xitoyning Gansu viloyati savdo-iqtisodiy va investitsiyaviy hamkorlikni kengaytirish istiqbollarini muhokama qildi
2025-10-28 22:15:00 / Yangiliklar
28-oktabr kuni ISSVda O‘zbekiston va Xitoyning Gansu provinsiyasi o‘rtasidagi savdo-iqtisodiy hamda investitsiyaviy hamkorlikni kengaytirish masalalari muhokama markazida bo‘ldi. Uchrashuvda vazir o‘rinbosari Ilzat Kasimov va Birlashgan partiya qo‘mitasi kotibi xonim Se Yuxua boshchiligidagi Gansu provinsiyasi korxonalari yushmasi delegatsiyasi ishtirok etdi.
Muzokaralarda Gansu provinsiyasining yetakchi kompaniyalari - Lanzhou Dingheng Real Estate Development, Beijing Xiandai Zhisheng Electronic Systems and Engineering, Inner Mongolia Dada Labor and Construction, Beijing Hongke Engineering and Technology Group hamda qurilish, qishloq xo‘jaligi, turizm va energetika sohalarida faoliyat yurituvchi boshqa korxonalar vakillari qatnashdilar.
Xitoy tomoniga O‘zbekiston bozorining imkoniyatlari, investitsiya sharoitlari va 500 ta istiqbolli loyiha haqida batafsil ma’lumot taqdim etildi. Shuningdek, Assotsiatsiya ishtirokida O‘zbekiston hududida texnopark tashkil etish takliflari hamda geologiya sohasida hamkorlik istiqbollari muhokama qilindi.
Uchrashuv yakunida Gansu delegatsiyasi vakillari ikki tomonlama aloqalarning ijobiy dinamikasini qayd etib, o‘zbekistonlik hamkorlarni Gansu provinsiyasida o‘tkaziladigan taqdimot tadbirlarida (Roadshow) ishtirok etishga taklif qildi.