O‘zbekiston – Yaponiya: investitsion aloqalarda yangi bosqich
2025-08-27 20:25:00 / Yangiliklar
27-avgust kuni O‘zbekiston Respublikasi Investitsiyalar, sanoat va savdo vaziri o‘rinbosari Shohruh Gulamov “Mitsui & Co.” korporatsiyasi vitse-prezidenti Yoshiaki Takemasu bilan uchrashdi.
“Mitsui & Co.” – dunyodagi eng yirik transmilliy kompaniyalardan biri bo‘lib, «Mitsui Group» tarkibiga kiradi. Korporatsiya 62 ta mamlakatda 500 dan ortiq sho‘ba korxona va 126 ta ofisga ega hamda mashinasozlik, energetika, kimyo, konchilik va metallurgiya sohalarida faol loyihalarni amalga oshirmoqda.
Muzokaralarda tomonlar energetika, qurilish materiallari ishlab chiqarish va infratuzilmaviy rivojlanish bo‘yicha qo‘shma tashabbuslarning amalga oshirilishi jarayonini muhokama qildilar.
Shuningdek, geologiya va shaharsozlik sohalaridagi yangi investitsiya loyihalarini o‘z ichiga olgan strategik hamkorlikni kengaytirish istiqbollari ham alohida e’tiborda bo‘ldi.