O‘zbekiston Respublikasi Investitsiyalar, sanoat va savdo vazirligi

Toshkent xalqaro investitsiya forumining so‘nggi kuni ham ishtirokchilarning diqqat markazida bo‘ldi. Bir qancha xorijiy kompaniyalar bilan 20 dan ortiq investitsiya shartnomalari imzolandi.

Jumladan:

IIlg‘or integratsiyalashgan dehqonchilik, sut-chorvachilik va sut iste’mol tovarlarini ishlab chiqarish tizimini yaratish bo‘yicha qo‘shma hamkorlik to‘g‘risida bitim;

«Yangi Namangan shaharchasi» hududida zamonaviy ko‘p qavatli uy-joylar va mexmonxona tashkil etish bo‘yicha hamkorlik to‘g‘risida bitim;

Farg‘ona vodiysi va Jizzax viloyatidagi oqova suv tozalash inshootlari qurish bo‘yicha qo‘shimcha kelishuv;

Yaponiyada ishlashga tayyorlash markazini tashkil qilish bo‘yicha anglashuv memorandum;

Kichik va o‘rta biznesga Islom moliyasi asosida mablag‘ ajratish anglashuv memorandum;

Bundan tashqari O‘zbekistonda qurilish, bank va boshqa sohalarni rivojlantirishga o‘z hissasini qo‘shishi kutilgan yana bir qancha shartnomalar imzolandi.

Mahalliy va xorijiy hamkorlar imzolangan shartnomalar kelgusida investitsiyaviy aloqalarni rivojlantirishga xizmat qilishini bir ovozdan ma’qulladi. Mutaxassislar bunday kelishuvlar nafaqat ishbilarmonlik muhitini yaxshilash, balki xalqaro miqyosda ham yangi imkoniyatlar yaratishini ta’kidladi.