Tadbirni B. Abidov kirish so‘zi bilan ochar ekan, O‘zbekiston Respublikasi Prezidentining “Korrupsiyaga qarshi kurashish faoliyatini samarali tashkil etishga doir qo‘shimcha chora-tadbirlar to‘g‘risida”gi qaroriga muvofiq vazirlik zimmasiga yuklangan vazifalarni aytib o‘tdi. Shuningdek, u sarmoyaviy va ishbilarmonlik muhitini yaxshilashda vazirlik o‘rnining muhimligini ta’kidlab, korrupsiyaga qarshi kurashish borasida vazirlik xodimlarini korrupsiyaning har qanday ko‘rinishiga toqat qilmaslik, o‘z xizmat vazifalarini halol va xolis bajarishga chaqirdi.

Kun tartibi doirasida qonun hujjatlariga rioya etilishini nazorat qilish bo‘yicha ishlarni tashkil etish, korrupsiyaga qarshi kurashish va jinoyatlarning oldini olishning asosiy jihatlari, korrupsiya bilan bog‘liq jinoyatlarni sodir etganlik uchun belgilangan javobgarlik to‘g‘risida taqdimotlar o‘tkazildi.

Shuningdek, vazirlik tomonidan korrupsiyaga qarshi kurashish bo‘yicha komplayens nazorat doirasida amalga oshirilayotgan chora-tadbirlar taqdim qilindi va 2024-yilga mo‘ljallangan tegishli ishlar rejasi ko‘rib chiqildi.

Seminar yakunida savol-javob sessiyasi tashkil etildi, unda vazirlik xodimlari korrupsiyaga qarshi kurashish doirasida o‘zlarini qiziqtirgan mavzularga atroflicha javob olish imkoniga ega bo‘ldilar.