Laziz Kudratov YeTTBning O‘zbekistondagi vakolatxonasi rahbari bilan uchrashdi
2025-03-25 22:00:00 / Yangiliklar
25-mart kuni O‘zbekiston Respublikasi Investitsiyalar, sanoat va savdo vaziri Laziz Kudratov Yevropa tiklanish va taraqqiyot bankining (YeTTB) O‘zbekistondagi vakolatxonasi rahbari Andi Aranitasi bilan uchrashuv o‘tkazdi.
Suhbat davomida YeTTB ishtirokida amalga oshirilayotgan loyihalar va Bank faoliyati yo‘nalishlariga kiradigan hamda “O‘zbekiston 2030” strategiyasi maqsadlariga mos keladigan qator yangi tashabbuslar muhokama qilindi. Tomonlar birgalikda ishlash va hamkorlikni chuqurlashtirishga o‘zaro tayyor ekanliklarini bildirdilar.
Bank vakillariga yangi tashabbus – respublika hududlarida rivojlangan mamlakatlar bozorlarida o‘z biznesini kengaytirishga tayyor bo‘lgan yirik tadbirkorlar bilan bevosita ishlash taklif etildi. Andi Aranitasi tadbirkorlar bilan to‘g‘ridan-to‘g‘ri uchrashuvlar o‘tkazish mahalliy investitsiya imkoniyatlarini aniqlash va barqaror ishbilarmonlik aloqalarini o‘rnatish vositasi sifatida muhimligini yuqori baholadi va rejalashtirilgan tashriflarda Bank vakillarining ishtirok etishiga katta qiziqish bildirdi.
Konstruktiv suhbat O‘zbekiston Respublikasi Prezidenti huzuridagi Xorijiy investorlar kengashining (XIK) bo‘lajak yig‘ilishining tashkiliy jihatlarini muhokama qilish imkonini berdi. Laziz Kudratov davlat organlari va xalqaro moliya institutlari o‘rtasida ochiq muloqotni rivojlantirishda XIK platformasining muhim rolini qayd etdi. YETTBning uchrashuvda faol ishtirok etishi va mamlakatning investitsiya muhitini yanada yaxshilash bo‘yicha amaliy takliflar kiritishiga ishonch bildirildi.
Uchrashuv yakunida tomonlar samarali hamkorlikni davom ettirish va barcha sohalarda strategik sheriklikni mustahkamlashga tayyor ekanliklarini yana bir bor tasdiqladilar.