O‘zbekiston Respublikasi Investitsiyalar, sanoat va savdo vazirligi

O’zbekiston Respublikasi Investitsiyalar, sanoat va savdo vazirligi IMGR kompaniyasi bilan hamkorlikda o’tgan yilning kuzida Toshkentda o’z ishini boshlagan akselerator dasturi doirasida xalqaro bozorlarga chiqish dasturi ishtirokchilari bo’lgan 100 ta kompaniyani o’qitish jarayoni davom etmoqda. Taklif etilgan ekspertlarning fikriga ko’ra, o’zbekistonlik eksportchilar raqobatbardosh mahsulotlarni taklif qilmoqdalar, ammo dastur doirasida global marketing, xalqaro muzokaralar o’tkazish, xalqaro bitimlarni sertifikatlash va moliyalashtirish uchun qo’shimcha imkoniyatlar mavjud. Ushbu mavzularning barchasi onlayn treninglar va vebinarlar, shuningdek, ishtirokchilar eksport klubining muntazam yig’ilishlari uchun asos bo’ldi. Trening bilan parallel ravishda, 2025 yil fevral oyida eksportchilar «Made in Uzbekistan» brendi ostida xorijda 20 dan ortiq biznes-missiyalar va ko’rgazmalar doirasida xalqaro xaridorlarni izlash hamda onlayn va oflayn  muzokaralarini o’tkazish bosqichini boshlaydilar. 

2023-yil noyabrdan boshlab hozirgi paytgacha 15 ta vebinar va tadbir bo’lib o’tdi. Eksport bitimlarini moliyalashtirish va valyuta nazorati, mahsulotni eksportga omologatsiya qilish va sertifikatlash, ko’rgazmalar va biznes missiyalarida samarali ishtirok etish, digital (raqamli) marketing va ijtimoiy tarmoqlarda ishtirok etish, eksport shartnomasi va uning asosiy qoidalari, eksport bo’limi xodimi qanday bo’lishi kerakligi, Yaqin Sharq bozorida biznesni qanday olib borish, chet elda intellektual mulk ob’ektlarini himoya qilish kabi eksportni rivojlantirish uchun dolzarb mavzular bo’yicha eksport klubining yana 10 ta o’quv sessiyalari va yig’ilishlari rejalashtirilgan.

- Akselerator dasturi har bir eksport qiluvchi kompaniya eksport biznes jarayonlarining o’sish nuqtalarini topishi uchun ishlab chiqilgan. Bu odatda kompaniya rahbari yoki egasi tomonidan boshlanadigan, shuningdek, tashqi iqtisodiy faoliyat uchun mas’ul bo’lgan butun jamoani jalb qiladigan murakkab jarayon emas, — deb takidlaydi dastur rahbari Anna Juk. — 2024-yil oxirida biz kompaniyalar bilan birgalikda dasturning eksport maqsadini aniqladik: «2025 - yilda kompaniyalar eksportga nima, qancha va qaysi mamlakatlarga sotadilar» Biz 100 million AQSh dollari kabi yirik raqamga ega bo’ldik. Bizning keyingi vazifamiz har bir mahsulot uchun kit marketingini, shu jumladan kompaniya saytini, ishtirokchilarning taqdimotlari va tijorat takliflarini ishlab chiqish bo’yicha maslahatlar hamda noyob savdo taklifini shakllantirish bo’yicha treninglar o’tkazish edi. Endi kompaniyalar haqiqatan ham muzokaralarga tayyor. O’z sohalaridagi ba’zi yetakchi rahbarlar allaqachon bu bosqichda.

Onlayn guruh mashg’ulotlaridan tashqari, dastur shartnoma tuzilgunga qadar kompaniyani kuzatib boradigan komanda trekeri (kuratori) bilan xar haftalik individual uchrashuvlarni o’z ichiga oladi. Komandalarning barcha amaliy topshiriqlari yopiq onlayn platformada e’lon qilinadi, topshiriqlarning bajarilishi esa shu yerda ballik tizim asosida trekerlar va mutaxassislar tomonidan baholanadi. Akselerator yakunlariga ko’ra, 2025 yilning kuzida dastur ishtirokchilarning 10 nafari hamkorlardan qo’shimcha imtiyozlar olish huquqiga ega g’olib deb e’lon qilinadi.

- Eksport akseleratorining bir qismi bo’lish imkoniyati uchun minnatdorchiligimizni bildiramiz. Bu eksport biznesini yuritishning nozik jihatlari va farqlariga chuqurroq kirib borishga imkon beradigan qimmatli tajriba. Ma’ruzalar amaliy ma’lumotlarga boy bo’ldi va mutaxassislarning maslahatlari bizning rivojlanishimizga muhim hissa qo’shdi. Bizni xalqaro bozorlarda yanada yuksalishimizga ko’maklashish uchun mutaxassislar va hamfikrlar bilan uchrashish  hamda ular bilan aloqaga ega bo’lish imkoniyati mavjudligini alohida ta’kidlashni istardim, — deydi akselerator ishtirokchisi Ravshan Qurbonov, mijozlar bilan ishlash bo’yicha direktor, Eco Lab.  

Eksport akseleratori dasturida ishtirok etish kompaniyamiz uchun eksport pozitsiyalarini rivojlantirish va yangi bozorlarga chiqishda muhim qadam bo'ldi. Akselerator yordamida kompaniyamiz mahsulotini yetkazib berish geografiyasini kengaytirib, yangi bozorlarga chiqishga muvaffaq bo'ldi. Akselerator mahsulotimizga bo'lgan talab asosida bozorni tanlashda va kirish to'siqlarini tahlil qilishda yordam berdi. Ayni paytda mahsulotlarni tanitish, targ'ib qilish va ularning sifatini tasdiqlash uchun zarur bo'lgan sertifikatlarni olish bo'yicha ishlar olib borilmoqda. Ekspertlar bilan birgalikda biz marketing materiallarimizni takomillashtiryapmiz va mahsulotlarni tanitish, targ'ib qilishing eng samarali kanallarini, shu jumladan onlayn vositalar ustida ish olib bordik. Ta'lim dasturi orqali eksport guruhi o'z malakasini oshirdi va madaniy aloqalarning o'ziga xos xususiyatlarini hisobga olgan holda muzokaralar olib borishga tayyorlandi", - dedi Anna Nogay, innovatsion tipografik bo'yoqlar ishlab chiqaruvchi Arhat Incs kompaniyasi bosh direktori.

Biz, MUSTANG TEKSTIL MCHJ vakillari, akseleratorda ishtirok etishni juda foydali deb hisoblaymiz. O’qish nafaqat qiziqarli, balki ma’lumotlarga boy ham bo’ldi. Masalan, dasturdagi mavzulardan biri LinkedIn tarmog’iga bag’ishlangan edi. Men akkauntga anchadan beri ega edim, lekin akselerator tufayli men uni qayta rasmiylashtirdim, ko’plab yangi aloqalarga ega bo’ldim va yaqinda kompaniyamizni rivojlantirish uchun istiqbolli taklif oldim – hozir biz muzokaralar bosqichidamiz.

Shuningdek, korporativ veb-sayt yaratish bo’yicha mahorat darsidan so’ng, biz trekerimiz yordamida marketing materiallarimizni 100% qayta ko’rib chiqdik. Bu faqat bir nechta misol! Biz akselerator dasturining bir qismi bo’lganimizdan xursandmiz va yana ko’plab mazmunli natijalarga erishishga umid qilamiz”, dedi MUSTANG TEKSTIL kompaniyasining tijorat bo’yicha direktori Alisher Yunusov.

Eslatib o’tamiz, eksportni akseleratsiya qilish dasturi O’zbekiston Respublikasi investitsiyalar, sanoat va savdo vazirligi negizida faoliyat yuritmoqda. Dastur doirasida 100ta ishtirokchi kompaniya maqsadli treningdan o’tadi, shuningdek, mutaxassislar bilan birgalikda MDH, Yaqin Sharq va Yevropa mamlakatlaridagi hamkorlar bilan mahsulot yetkazib berish bo’yicha muzokaralar olib boradi. Asosiy maqsad — kompaniyalarga global savdo ko’nikmalariga ega bo’lishdan eksport shartnomalarini tuzishgacha bo’lgan yo’lni amaliyotda bosib o’tishda yordam berishdir.