Joriy yilning 4-dekabr kuni O‘zbekiston Respublikasi investitsiyalar, sanoat va savdo vaziri Laziz Kudratov Ozarbayjonning PASHA Investments kompaniyasi direktori Nariman Sardarli bilan uchrashdi.

Uchrashuvda Ozarbayjon tomoniga O‘zbekistonda yaratilgan qulay sarmoyaviy muhitning amaliy jihatlari, tadbirkorlar uchun investitsiya loyihalarini amalga oshirish uchun keng imkoniyatlar ochayotgan qator imtiyoz va preferensiyalar taqdim etildi.

Ozarbayjon tomoni bildirgan qiziqishi va vazirlikning biznesni qo‘llab-quvvatlash bo‘yicha kompleks chora-tadbirlar ko‘rishga tayyorligi qator sarmoyaviy tashabbuslar bo‘yicha mazmunli muloqot uchun zamin yaratdi.

Uchrashuv yakunlari boʻyicha tomonlar hamkorlikni yanada rivojlantirishga oʻzaro tayyor ekanliklarini bildirdilar va Oʻzbekiston hamda Ozarbayjon hududida qoʻshma loyihalarni amalga oshirish boʻyicha erishilgan kelishuvlarni hayotga tatbiq qilish maqsadida yaqindan hamkorlik qilish mexanizmlarini ishlab chiqdilar.