O‘zbekiston va Wabtec temir yo‘l infratuzilmasini modernizatsiya qilish va sanoat kooperatsiyasini kengaytirish masalalarini muhokama qildi
2026-11-05 21:35:00 / Yangiliklar
5-noyabr kuni O‘zbekiston Respublikasi investitsiyalar, sanoat va savdo vaziri Laziz Kudratov Amerikaning Wabtec kompaniyasining MDH mamlakatlari va Mo‘g‘uliston bo‘yicha katta mintaqaviy vitse-prezidenti Kanat Alpisbayev hamda davlat tuzilmalari bilan xalqaro aloqalar va loyihalarni moliyalashtirish bo‘yicha boshqaruvchi direktori Lars Hikki bilan uchrashuv o‘tkazdi.
Tomonlar O‘zbekistonda sanoat kooperatsiyasini kengaytirish, temir yo‘l infratuzilmasini modernizatsiya qilish, ishlab chiqarishni mahalliylashtirish va servis quvvatlarini rivojlantirish istiqbollarini muhokama qildilar.
Temir yo‘l sohasi uchun muhandis kadrlar tayyorlash bo‘yicha hamkorlikni mustahkamlash, zamonaviy ta’lim dasturlarini joriy etish va mutaxassislar malakasini oshirishga alohida e’tibor qaratildi.
Uchrashuv yakunida erishilgan kelishuvlarni amaliyotga tatbiq etish bo‘yicha keyingi qadamlar belgilab olindi.