O‘zbekiston Respublikasi Investitsiyalar, sanoat va savdo vazirligi

Joriy yilning 7-oktabr kuni O‘zbekiston Respublikasi investitsiyalar, sanoat va savdo vaziri Laziz Kudratov AQSh Savdo vaziri yordamchisi o‘rinbosari D.De Falko bilan uchrashdi.

Tomonlar ikki davlat o‘rtasidagi savdo-iqtisodiy hamkorlikni mustahkamlashga qaratilgan keng ko‘lamli ikki tomonlama masalalarni muhokama qildilar.

Bo‘lajak qo‘shma tadbirlarning tashkiliy jihatlariga alohida e’tibor qaratilda. Ulardan asosiylari: norasmiy virtual savdo muloqotini tashkil etish va oʻzaro biznes missiyalarini oʻtkazish. Shuningdek, Oʻzbekistonning xalqaro vodorod dasturida ishtirok etish imkoniyatlari koʻrib chiqildi.

Geologiya va metallurgiya, kimyo, to‘qimachilik sanoati sohalarida hamkorlikni kengaytirish bo‘yicha qo‘shma chora-tadbirlar muhokama qilindi. O‘zbekiston mahsulotlarining AQSH bozorlariga chiqishini kengaytirish imkonini beruvchi Imtiyozlar tizimi (GSP)ni tiklash masalasiga alohida e’tibor qaratildi.

Amerika tomoni mahalliy korxonalarning xalqaro marketing va eksportni diversifikatsiya qilish sohasidagi malakasini oshirish bo‘yicha O‘zbekistonning SABIT dasturida ishtirok etishiga texnik va konsalting yordamini ko‘rsatishga tayyorligini bildirdi, bu esa “Made in Uzbekistan” milliy brendi yanada targ‘ib etilishiga xizmat qiladi. Shuningdek, O‘zbekistonning Tijoriy huquq va taraqqiyot dasturi (CLDP)dagi ishtiroki masalalari ham muhokama qilindi.