Investitsiyalar, sanoat va savdo vazirligida Yagona milliy loyiha boshqaruvi axborot tizimini takomillashtirish bo‘yicha seminar o‘tkazildi
2026-09-05 16:40:00 / Yangiliklar
O‘zbekiston Respublikasi Prezidentining 2025-yil 18-dekabrdagi, 2026-yil 6-iyuldagi PF-252-son va 2026-yil 4-sentabrdagi PF-123-son Farmonlari ijrosini ta’minlash doirasida Investitsiyalar, sanoat va savdo vazirligida “Yagona milliy loyihalarni boshqarish axborot tizimi” platformasini takomillashtirish va undan foydalanish masalalariga bag‘ishlangan seminar bo‘lib o‘tdi.
Tadbirda Hisob palatasi, Iqtisodiyot va moliya vazirligi, Raqamlashtirish markazi, shuningdek, tegishli vazirlik va idoralar vakillari ishtirok etdi.
Ishtirokchilar platformadan amaliy foydalanish, tizimlararo integratsiya, zarur funksiyalarni ishga tushirish hamda investitsiya loyihalari monitoringini takomillashtirish masalalarini ko‘rib chiqdilar. Shuningdek, mavjud muammolar va tizim samaradorligini oshirish bo‘yicha takliflar muhokama qilindi.
Tadbir yakunida platformani yanada takomillashtirish bo‘yicha navbatdagi seminarlar jadvalini ishlab chiqish to‘g‘risida qaror qabul qilindi.