O‘zbekiston Respublikasi Investitsiyalar, sanoat va savdo vazirligi

26–27-avgust kunlari Namangan va Andijon viloyatlarida O‘zbekiston Respublikasi investitsiyalar, sanoat va savdo vaziri o‘rinbosari Shoxruh Gulamov boshchiligida hududiy boshqarmalar rahbar va xodimlari, shahar va tuman hokimlarining investitsiyalar masalalari bo‘yicha o‘rinbosarlari hamda erkin iqtisodiy zonalar direksiyalari rahbarlari ishtirokida ishchi uchrashuvlar o‘tkazildi.

Joriy yilning 9 oyi yakunlari bo‘yicha to‘g‘ridan-to‘g‘ri xorijiy investitsiyalarni o‘zlashtirish, eksport prognoz ko‘rsatkichlarini bajarish hamda yirik investitsiya loyihalarini o‘z vaqtida ishga tushirish bo‘yicha vazifalar ko‘rib chiqildi.

Investitsiyalar monitoringi, eksport, postmonitoring hamda sanoat va maxsus zonalar faoliyati monitoringini ta’minlovchi axborot tizimlari bilan ishlashga alohida e’tibor qaratildi.

Mas’ul rahbarlarga maqsadli ko‘rsatkichlarga erishish va loyihalarni amalga oshirishni jadallashtirish bo‘yicha aniq topshiriqlar berildi.

Shuningdek, Andijon viloyatida xorijiy investitsiyalar ishtirokida amalga oshirilgan va foydalanishga topshirilgan yirik loyihalar faoliyati joyiga chiqqan holda o‘rganildi.