O‘zbekiston va SOCAR energetika sohasida strategik hamkorlikni kengaytirmoqda
2026-08-28 01:00:00 / Yangiliklar
27-avgust kuni O‘zbekiston Respublikasi investitsiyalar, sanoat va savdo vaziri Laziz Kudratov Ozarbayjonning SOCAR kompaniyasi prezidenti Rovshan Najaf bilan onlayn muzokaralar o‘tkazdi.
SOCAR - Ozarbayjonning davlat neft-gaz kompaniyasi bo‘lib, 1992-yilda tashkil etilgan. Kompaniyada 48 mingdan ortiq xodim faoliyat yuritadi. SOCAR xalqaro bozorlarda faoliyat yuritadi. O‘zbekistonda kompaniya investitsiya hajmi qariyb 2 milliard dollar bo‘lgan uglevodorod resurslarini o‘zlashtirish loyihasini amalga oshirishda ishtirok etmoqda.
Tomonlar savdo-iqtisodiy va investitsiyaviy hamkorlikni kengaytirish masalalarini ko‘rib chiqdilar.
Qo‘shma loyihalarni amalga oshirish va yangi tashabbuslarni ishlab chiqishga alohida e’tibor qaratildi.
Muzokaralar yakunida o‘zaro savdo hajmini oshirish va strategik loyihalarni ilgari surish bo‘yicha qo‘shma ishlarni davom ettirishga tayyorlik tasdiqlandi.