Investitsiya loyihalarini amalga oshirishda barqaror o‘sish sur’atlari ta’minlanmoqda
2026-08-24 16:10:00 / Yangiliklar
O‘zbekiston Respublikasi Investitsiyalar, sanoat va savdo vazirligi mas’ul idoralar va joylardagi hokimliklar bilan birgalikda investitsiya loyihalarini tizimli ravishda qo‘llab-quvvatlash hamda ularni amalga oshirish bo‘yicha belgilangan muddatlarga rioya etilishini ta’minlash yuzasidan izchil ish olib bormoqda.
2026-yil yanvar–iyul oylari yakunlariga ko‘ra, o‘zlashtirilgan xorijiy investitsiyalar va kreditlar hajmi 32,9 mlrd dollarni tashkil etdi (belgilangan parametrlarga nisbatan 131,1%).
To‘g‘ridan-to‘g‘ri xorijiy investitsiyalar va kreditlar hajmi 30,3 mlrd dollarga yetdi. Mamlakat hududlarida 24,3 mlrd dollar o‘zlashtirildi (belgilangan parametrlarga nisbatan 161,8%).
Erishilgan sur’atlarni saqlab qolish maqsadida loyiha tashabbuskorlari va xorijiy investorlar bilan manzilli ishlar olib borilmoqda, doimiy monitoring amalga oshirilmoqda, yuzaga kelayotgan masalalar tezkor hal etilib, yangi ishlab chiqarish quvvatlarini ishga tushirishni jadallashtirish bo‘yicha choralar ko‘rilmoqda.