O‘zbekiston Respublikasi Investitsiyalar, sanoat va savdo vazirligi

Joriy yilning 31-iyul kuni Toshkent shahrining Yangihayot tumani hokimligida alohida e’tiborga muhtoj yoshlar bilan manzilli ishlash samaradorligini oshirish maqsadida uchrashuv tashkil etildi.

Uchrashuvda O‘zbekiston Respublikasi investitsiyalar, sanoat va savdo vaziri o‘rinbosari Shohrux G‘ulomov, vazirlikning mas’ul xodimlari, tuman hokimligi, Kambag‘allikni qisqartirish va bandlikka ko‘maklashish bo‘limi, ijtimoiy himoya organlari hamda Yoshlar ishlari bo‘limi vakillari ishtirok etdi.

Uchrashuv davomida biriktirilgan har bir yosh bilan yakka tartibda suhbat o‘tkazilib, ularning muammolari, ehtiyojlari va takliflari batafsil o‘rganildi. Ko‘tarilgan masalalarning bir qismi joyida hal etildi, qolgan murojaatlar yuzasidan esa mas’ul ijrochilarga aniq topshiriqlar berildi.

Shuningdek, ishga joylashishga muhtoj yoshlarga ularning kasbiy ko‘nikmalari, malakasi va qiziqishlarini inobatga olgan holda mos bo‘sh ish o‘rinlari taklif etildi.

Bunday uchrashuvlar yoshlarning muammolarini o‘z vaqtida aniqlash va ularga amaliy ko‘mak ko‘rsatishda muhim ahamiyat kasb etadi.