O‘zbekiston Respublikasi Investitsiyalar, sanoat va savdo vazirligi

5-iyul kuni O‘zbekiston Respublikasi Investitsiyalar, sanoat va savdo vaziri o‘rinbosari Ibrohim Ergashev Qoraqalpog‘iston Respublikasi tadbirkorlari bilan ochiq muloqot o‘tkazdi hamda hududdagi qator sanoat korxonalariga tashrif buyurdi.

Uchrashuvning asosiy mavzulari investitsiya loyihalarini amalga oshirish, ishlab chiqarish quvvatlarini kengaytirish, eksport salohiyatini rivojlantirish, tadbirkorlik subyektlarining moliyaviy resurslardan foydalanish imkoniyatlarini kengaytirish hamda muhandislik-kommunikatsiya infratuzilmasini takomillashtirish masalalariga bag‘ishlandi. Tadbirkorlarning barcha murojaatlari tegishli tashkilotlar bilan birgalikda ko‘rib chiqildi. Tezkor hal etilishi zarur bo‘lgan masalalar yuzasidan uchrashuv davomida tegishli choralar ko‘rildi, qolgan murojaatlar bo‘yicha ijro muddatlari belgilandi hamda vazirlik va hududiy tuzilmalar nazoratiga olindi.

Sanoat korxonalariga tashrif davomida investitsiya loyihalarining amalga oshirilishi, ishlab chiqarish quvvatlarining yuklama darajasi, mahalliylashtirish ishlari hamda korxonalarning eksport imkoniyatlari bilan tanishildi. Tashrif yakunlari bo‘yicha ishlab chiqarishlarni modernizatsiya qilish, yangi bozorlarni o‘zlashtirish va eksport hajmini oshirishni nazarda tutuvchi keyingi rivojlanish yo‘nalishlari belgilab olindi.

🟠Hududlarda tadbirkorlar bilan ochiq muloqotlar o‘tkazish hamda biznesning dolzarb masalalarini joyiga chiqqan holda ko‘rib chiqish amaliyoti izchil davom ettiriladi.