Laziz Kudratov va baronessa Ariel de Rotshild investitsiyaviy loyihalar va bank sohasidagi hamkorlikni muhokama qildilar
2024-06-11 22:00:00 / Yangiliklar
Joriy yilning 11-iyun kuni O‘zbekiston Respublikasi investitsiyalar, sanoat va savdo vaziri Laziz Kudratov Rothschild & Cie Bank boshqaruvchi direktori, baronessa Ariel Mollard de Rotshild bilan uchrashuv o‘tkazdi.
Uchrashuvda qoʻshma investitsiya loyihalarini ishlab chiqishning amaliy jihatlari hamda bank-moliya sohasida hamkorlikni rivojlantirish istiqbollari muhokama qilindi.
Jumladan, keng tanlov va raqobat muhitida davlat korxonalarini kompleks transformatsiyalash va xususiylashtirishga qadar tayyorlash jarayoni koʻrib chiqildi.
Uchrashuv yakunida istiqbolli loyihalarga investorlarni jalb etish boʻyicha ishlarni faollashtirishga kelishildi.