O‘zbekiston investitsiyalar, sanoat va savdo vaziri Voltalia bilan qayta tiklanuvchi energetika sohasidagi hamkorlikni muhokama qildi
2026-02-11 19:10:00 / Yangiliklar
11-fevral kuni O‘zbekiston Respublikasi Investitsiyalar, sanoat va savdo vaziri Laziz Kudratov Fransiyaning Voltalia kompaniyasi Bosh ijrochi direktori o‘rinbosari Yoni Ammar bilan uchrashdi.
Muzokaralar davomida qayta tiklanuvchi energetika sohasidagi hamkorlikning joriy holati va istiqbollari muhokama qilindi. Xususan, shamol energetikasini rivojlantirish hamda energiya saqlash tizimlarini joriy etish masalalariga alohida e’tibor qaratildi.
Tomonlar hamkorlikni yanada kengaytirish, qo‘shma tashabbuslarni samarali va o‘z vaqtida amalga oshirish, shuningdek, muvofiqlashtirish mexanizmlarini takomillashtirish yuzasidan fikr almashdilar.
Uchrashuv yakunida strategik sheriklikni mustahkamlash va konstruktiv muloqotni davom ettirishga tayyorlik tasdiqlandi.
Voltalia – qayta tiklanuvchi energiya manbalari sohasida loyihalarni ishlab chiqish va boshqarishga ixtisoslashgan xalqaro fransuz kompaniyasi hisoblanadi.