2025-yilda O‘zbekistonda sanoat, xizmatlar va qishloq xo‘jaligi sohalarida 9 868 ta loyiha ishga tushirildi
2026-01-07 09:10:00 / Yangiliklar
2025-yilda O‘zbekistonda sanoat, xizmatlar va qishloq xo‘jaligi sohalarida 9 868 ta loyiha ishga tushirildi. Ularning umumiy qiymati $12,6 mlrdni tashkil etib, bu ko‘rsatkich o‘tgan yilga nisbatan 41,6 foizga oshdi. Natijada 288,6 mingta yangi ish o‘rni yaratildi (+12,2%).
O‘sish asosan sanoat ($6,0 mlrd), xizmatlar sohasi ($5,5 mlrd) va qishloq xo‘jaligi ($1,1 mlrd) hisobiga ta’minlandi. Shu bilan birga, ichki talabning kuchayishi muhim omil bo‘lib, mahalliylashtirilgan mahsulotlar hajmi 100 trln so‘mga yetdi.