Reyestr orqali xalqaro brend mahsulotlarini import qilish jarayonlari soddalashtirilib, bojxona imtiyozlari kengaytirilmoqda
2025-12-04 10:20:00 / Yangiliklar
O‘zbekiston Respublikasi Prezidentining 2022-yil 12-oktabrdagi 393-son va Vazirlar Mahkamasining 2023-yil 9-martdagi 99-son qarorlariga muvofiq Investitsiyalar, sanoat va savdo vazirligi tomonidan Xalqaro brendlar tovarlarining ayrim turlarini brend egalari yoki ularning vakolatli yetkazib beruvchilari (rasmiy distribyutorlar, dilerlar, ishlab chiqaruvchilarning savdo vakillari va ularning distribyutorlari, litsenziatlari) bilan tuzilgan toʻgʻridan toʻgʻri shartnoma asosida import qiluvchilar Reyestri yuritilmoqda.
Reyestrni shaffof mexanizmlar asosida yuritish maqsadida Yagona elektron axborot tizimi (YAEAT) amaliyotga joriy etilgan va arizalar faqat mazkur tizim orqali qabul qilinadi.
Reyestrga kirgan import qiluvchilar import bojxona bojlarini kiyim-kechak va poyabzal mahsulotlariga o‘rtacha 15-20 foiz o‘rniga 7,5 foizga hamda parfyumeriya, zargarlik buyumlari va aksessuarlarga 20-30 foiz o‘rniga 5 foizgacha bo‘lgan pasaytirilgan stavkalaridan foydalanish imkoniyati yaratilgan.
2023-yilning mart oyidan bugungi kunga qadar mingdan ortiq arizalar ko‘rib chiqilgan bo‘lib, 684 ta holatda sertifikatlar taqim etilgan.