O‘zbekiston Respublikasi Investitsiyalar, sanoat va savdo vazirligi

Ayni kunlarda Toshkentda butun dunyo bo‘ylab 93 mamlakatdan kelgan hukumat a’zolari, siyosatchilar, iqtisodiy soha vakillari, investorlar, biznesmenlar va jurnalistlarni o‘zida jamlagan Toshkent xalqaro investitsiyalar forumi bo‘lib o‘tmoqda.

Ushbu forum doirasida bo‘lib o‘tgan “Togʻ-kon sanoati sohasida sarmoya kiritish imkoniyatlari” panel sessiyasi konchilik loyihalariga sarmoya kiritish istiqbollari va oldinda turgan muammolarni muhokama qilish maqsadidagi yetakchi mutaxassislarni birlashtirdi.

Sessiyani IFC menejeri Maykl Opagi olib bordi.

Panel sessiya ishtirokchilari:

- Abdulla Abduqodirov, O‘zbekiston Respublikasi Prezidenti huzuridagi Strategik islohotlar agentligi bosh direktorining birinchi o‘rinbosari

- Jerar De Ert, In2Metals bosh direktori

- Emre Kayiso‘g‘lu, “Esan Eczacibasi” bosh direktori

- Nikolas Flotte, “Orano Mining” vitse-prezidenti

- Nataliya Lakorzana, YeTTB direktori, tabiiy resurslar bo'limi rahbari

- A’zam Qodirxo‘jayev, O‘zbekiston tog‘-kon sanoati va geologiya vaziri o‘rinbosari

YeTTBning Tabiiy resurslar bo‘limi boshlig‘i Nataliya Lakorzana yurtimizda amalga oshirilgan ishlar haqida gapirar ekan, sohaga doir ma’lumotlardan to‘g‘ridan-to‘g‘ri foydalanish imkoniyatini rivojlantirish lozimligini, axborotlarni elektronlashtirish zarurati mavjud ekanini qayd etdi.

Ishtirokchilar ta’kidlaganidek, tog‘-kon ishlab chiqarish korxonalari samarali investitsiyalarni ta’minlash uchun barcha omillarni to‘liq baholashni talab qiluvchi murakkab investitsion sohadir.

Sessiyada konlarni o‘zlashtirish bilan bog‘liq istiqbollar va risklarni baholashga yondashuvlar, shuningdek, tog‘-kon loyihalarini amalga oshirishning turli bosqichlarida investorlar uchun imkoniyatlar muhokama qilindi.

“In2Metals” bosh direktori Jerar De Ert mamlakatimizda yaratilgan sharoitlarga to‘xtalib, bundan mamnun ekanini bildirdi:

— Bizga “O‘zbekistondan nima topdingiz?” deb savol berishdi. Ha, biz bu yerda juda ko‘p narsa topa oldik. Biz ilk marta kirib kelganimizda nimaga, qayerga qancha, investitisya kiritish mumkinligi haqida hech qanday ma’lumotga ega emasdik. Lekin, birinchi navbatda, bizni qo‘llab-quvvatlaydigan davlatni, jamoani, Moliya vazirligidan konchilik sanoatini rivojlanitirish uchun mablag‘larni, o‘rni kelsa, talashib oladigan vazirlikni topdik.

Mutaxassislar sohaning investitsion jozibadorligi, sohaga investitsiya qarorlarini qabul qilishga ta’sir etuvchi omillar haqida o‘z fikr-mulohazalarini bildirdi.

O‘zbeksitonning investitsiyaviy jozibadorligi haqida, unda investorlar uchun mavjud imkoniyatlar haqida gapirar ekan:

— O‘zbekistonda investitsiya kiritish va investorlar uchun barcha sharoit bor. Ayniqsa turli xil qazilma boyliklar ko‘p. Iqtisodiyotning asosiy qismi hisoblangan minerallar va rudalar hamda texnologiyalar mavjud. Bizda barcha minerallar, resurslar bor va biz investorlarni hamkorlikka chorlab qolamiz, — deya fikr bildirdi O‘zbekiston tog‘-kon sanoati va geologiya vaziri o‘rinbosari A’zam Qodirxo‘jayev.

Ushbu sessiya konchilik sohasiga investitsiyalarni jalb qilish uchun qulay shart-sharoitlar yaratish bo‘yicha konstruktiv muloqotlar maydoni bo‘ldi.