Toshkent xalqaro tijorat sudi: nizolarni xalqaro standartlarda hal qiluvchi tuzilma
2024-05-02 14:05:00 / Yangiliklar
Iqtisodiy taraqqiyot sud-huquq tizimining samarali faoliyat yuritishi bilan bevosita bog‘liq. Investorlarga nafaqat qonunchilik bazasi, balki huquqlarni amalga oshirish mexanizmi ham zarur. Taklif etilayotgan Toshkent xalqaro tijorat sudi (TICC) Oʻzbekistondagi nizolarni hal qilish boʻyicha, xorijiy investorlarga qaratilgan xalqaro darajadagi forumdir.
Investorlarga normativ-huquqiy baza kerak, lekin ular, buni qanday qo‘llash kerakligini ham bilishlari zarur. TICC boshqaruv kengashi xalqaro standartlarga mos bo‘ladi, – deya ma’lum qildi xalqaro huquqshunos Mari-Ann Birken. Suhbat davomida spikerlar TICC’ni mahalliy sudlardan ajratib turadigan asosiy jihatlar, jumladan sudning maqomi, tuzilishi, amaliyot va tartiblari, sudyalar tayinlanishi tartibi hamda xalqaro arbitraj bilan aloqalarni muhokama qilishdi.
Toshkent davlat yuridik universiteti rektori vazifasini bajaruvchi Islombek Rustambekov xalqaro tijorat sudi va mahalliy sudlar o‘rtasidagi hamkorlik huquqiy amaliyotda eng yaxshi natijalarga erishishga yordam berishini ta’kidlab o‘tdi. U shuningdek, TICC O‘zbekistonni xorijiy investorlar uchun yanada jozibador qilishini qayd etdi.
Shuningdek, TICC haqida Buyuk Britaniyaning yuqori martabali lord sudyasi Ser Peter Gross, White & Case LLP hamkori Karolin Lamm va Qatar moliyaviy markazi sudyasi Frederick Daniel Jeykobs Brand ham fikr bildirdi.
Huquqshunoslar jamoatchiligi O‘zbekistonning xalqaro maydondagi reytingini oshirishga yordam beradigan bunday ijobiy o‘zgarishlardan manfaatdor ekanliklarini alohida qayd etishdi.