Jahon banki vakillari Jizzax viloyatida
2026-03-15 09:00:00 / Vazirlik yangiliklar
Jahon banki delegatsiyasi Jizzax viloyatiga tashrif buyurib, hududda ko‘p kvartirali uylarning energiya samaradorligini oshirish borasida amalga oshirilayotgan ishlar bilan yaqindan tanishdi. Mazkur tashrif viloyatda energiya tejamkor texnologiyalarni joriy etish hamda uy-joy fondining samaradorligini oshirish bo‘yicha mavjud tajribalarni o‘rganishga qaratildi.
Tashrif doirasida mas’ul tashkilotlar rahbarlari, soha mutaxassislari hamda loyiha ishtirokchilari bilan uchrashuvlar o‘tkazildi. Unda ko‘p kvartirali uylarni modernizatsiya qilish, energiya tejamkor qurilish materiallari va zamonaviy texnologiyalarni qo‘llash orqali energiya sarfini kamaytirish masalalari muhokama qilindi.
Shuningdek, kelgusida Jahon banki ko‘magida amalga oshirilishi rejalashtirilayotgan yangi loyiha yuzasidan fikr va takliflar almashildi. Mutaxassislar tomonidan uy-joy sektorida energiya samaradorligini yanada oshirish, aholining yashash sharoitlarini yaxshilash hamda kommunal resurslardan oqilona foydalanishni ta’minlash bo‘yicha qator tashabbuslar ilgari surildi.
Ta’kidlanishicha, mazkur uchrashuv va muhokamalar kelgusida hududlarda ko‘p kvartirali uylarning energiya samaradorligini oshirishga qaratilgan yangi loyihalar va amaliy tashabbuslarni shakllantirishda muhim ahamiyat kasb etadi.