Yaponiya delegatsiyasi bilan loyihalash masalalari muhokama qilindi
2026-03-07 16:00:00 / Vazirlik yangiliklar
Kuni kecha Toshkent shahar hokimligida Toshkent shahar Qurilish bosh boshqarmasi boshlig‘i o‘rinbosari – Bosh arxitektor v.v.b J.Yandashev, hokimlik mutasaddilari hamda soha mutaxassislari ishtirokida Yaponiyaning shaharsozlik va bosh reja loyihalarini ishlab chiqishda katta tajribaga ega bo‘lgan “Nikken Sekkei” kompaniyasi delegatsiyasi bilan uchrashuv bo‘lib o‘tdi.
Unda kompaniya tomonidan yirik infratuzilma obyektlari — vokzallar, aeroportlar, avtobus bekatlari hamda istirohat bog‘lari loyihalarini ishlab chiqish tajribasi, shuningdek, master-rejalarni tayyorlash jarayonlari va bunda e’tibor qaratilishi lozim bo‘lgan muhim jihatlar yuzasidan fikr almashildi.
🫥 Muloqot chog‘ida “Nikken Sekkei” kompaniyasining “Shahar va landshaftlar dizayni guruhi” ijrochi direktori Ryuichi Kizumi kelgusida qo‘shma loyihalarni amalga oshirish istiqbollari mavjudligini ta’kidlab, o‘zaro manfaatli hamkorlikni rivojlantirishdan mamnun ekanligini bildirdi.
Ma’lumot uchun, “Nikken Sekkei” Tokioda joylashgan bo‘lib, arxitektura, shaharsozlik rejalashtirish va muhandislik xizmatlarini ko‘rsatuvchi Yaponiyaning yetakchi kompaniyalaridan biri hisoblanadi