“Ko‘p kvartirali uylarni boshqarishda yangicha yondashuvlar” mavzusidagi seminar o‘z ishini davom ettirmoqda
2026-02-18 13:00:00 / Vazirlik yangiliklar
Tadbirni Kompetensiyani rivojlantirish instituti rektori Shukrullo Yunusov kirish so‘zi bilan ochib berib, bugungi kunda ko‘p kvartirali uy-joy fondini samarali boshqarish, aholiga ko‘rsatilayotgan xizmatlar sifatini oshirish va tizimga zamonaviy boshqaruv standartlarini joriy etish ustuvor vazifa ekanini ta’kidladi.
Seminar davomida sohadagi dolzarb masalalar, jumladan, boshqaruv samaradorligini oshirish, moliyaviy shaffoflikni ta’minlash, raqamli yechimlarni keng joriy etish hamda aholining boshqaruv jarayonidagi ishtirokini kuchaytirish masalalari muhokama qilindi.
Xususan, Rossiya federatsiyasi, Turkiya, Qozog‘iston hamda Belarus davlatlaridan mutaxassislar ishtirok etib, o‘z mamlakatlaridagi ilg‘or tajribalar, amaliy mexanizmlar va samarali boshqaruv modellari yuzasidan fikr almashdilar.
Shuningdek, O‘zbekistonda faoliyat yurituvchi boshqaruv organlari o‘z amaliy tajribalaridan kelib chiqib, sohani yanada takomillashtirish, xizmatlar sifatini oshirish va aholiga qulay shart-sharoitlar yaratish bo‘yicha taqdimotlar o‘tkazdilar.
🟢Seminar doirasida ilg‘or tajriba almashinuvi, ochiq muloqot va konstruktiv takliflar orqali ko‘p kvartirali uylarni boshqarish tizimini yangi bosqichga olib chiqish bo‘yicha aniq yo‘nalishlar belgilab olinmoqda.