O‘zbek adabiy tili asoschisi Alisher Navoiy tavalludining 585 yilligi munosabati bilan tantanali tadbir bo‘lib o‘tdi
2026-02-09 15:00:00 / Vazirlik yangiliklar
Bugun poytaxtimizdagi Adiblar xiyobonida buyuk mutafakkir, o‘zbek adabiy tili asoschisi Alisher Navoiy tavalludining 585 yilligi munosabati bilan tantanali tadbir bo‘lib o‘tdi.
Tadbirda erta tongdan adiblar, shoir va yozuvchilar, oliy ta’lim muassasalari talabalari, o‘zbek tiliga befarq bo‘lmagan keng jamoatchilik vakillari bilan bir qatorda Qurilish va uy-joy kommunal xo‘jaligi vazirligi hamda uning tizim tashkilotlari mas’ullari ham ishtirok etdi.
Tadbir yakunida buyuk allomaning Adiblar xiyobonidagi haykali poyiga gulchambarlar qo‘yib, uning bebaho ilmiy va adabiy merosiga chuqur hurmat-ehtirom bajo keltirdilar.
Shuningdek, o‘zbek tilining ko‘p asrlik boy tarixga egaligi, hazrat Navoiyning “Tilga e’tibor — elga e’tibor” degan purma’no hikmati bugungi kunda ham o‘z dolzarbligini saqlab kelayotgani alohida ta’kidlandi. Mazkur ibora yosh avlodni ona tiliga hurmat ruhida tarbiyalash, milliy o‘zlikni anglash va qadriyatlarni asrashda muhim ma’naviy mezon bo‘lib xizmat qilayotgani qayd etildi.