Qurilish va uy-joy kommunal xoʻjaligi vazirligi hamda uning tizim tashkilotlarida siyosiy-maʼrifat soati boʻlib oʻtdi
2026-01-23 12:00:00 / Vazirlik yangiliklar
Tadbirda vazirlik markaziy apparati, "Shaharsozlik hujjatlarini ekspertiza qilish" Respublika markazi, Texnik me’yorlash va standartlashtirish ilmiy-tadqiqot instituti, Axborot kommunikatsiya texnologiyalarini rivojlantirish Respublika markazi xodimlari milliy liboslarda ishtirok etib, siyosiy bilim va koʻnikmalarini oshirishdi.
Taʼkidlash joizki, bu kabi tadbirlar nafaqat xodimlarning siyosiy savodxonligi va fuqarolik masʼuliyatini oshirishda, balki ularning milliy qadriyatlarga ehtiromini mustahkamlash, milliy oʻzligimizni yanada chuqurroq anglash va targʻib qilishda ham muhim ahamiyat kasb etmoqda.
Tadbirda, shuningdek, Korrupsiyaga qarshi kurashish agentligi mas'uli J.Fayziyev Oʻzbekiston Respublikasi Prezidentining "Oʻzbekiston Respublikasida korrupsiyaning oldini olish va unga qarshi kurashish tizimini yanada takomillashtirish toʻgʻrisida"gi PF-270-sonli Farmon mazmun va mohiyati haqida so'z yuritib, barcha xodimlarga korrupsiyaga qarshi murosasiz munosabatni shakllantirish yuzasidan tushuntirish berdi. Xususan, oʻz vakolatini suiisteʼmol qilish, manfaatlar toʻqnashuviga yoʻl qoʻyish va har qanday korrupsion jinoyatlarni amalga oshirishning salbiy oqibatlari haqida atroflicha maʼlumotlar taqdim etildi.
Bu kabi tadbirlar vazirlikning barcha hududiy boshqarmalari va tizim tashkilotlarida davom etmoqda.