Ko‘p qavatli uylar atrofi qordan tozalanmoqda
2026-01-22 14:00:00 / Vazirlik yangiliklar
Samarqand viloyatida aholi xavfsizligini ta’minlash maqsadida ko‘p qavatli uylar atrofi, piyodalar yo‘laklari hamda aholi kundalik yumushlari bilan yuradigan yo‘llarda tozalash ishlari olib borilmoqda.
Xususan, Oqdaryo tumanida ko‘p qavatli uylar atrofi qordan tozalanib, piyodalar yo‘laklari hamda aholi qatnov yo‘llariga qum-tuz aralashmalari sepilmoqda, hududlar muntazam ravishda tartibga keltirilmoqda.
Shuningdek, Urgut tumanida ko‘p qavatli uylarga xizmat ko‘rsatuvchi “Afrosiyob Maroqand” boshqaruv servis kompaniyasi tomonidan ham tezkor choralar ko‘rilmoqda. Jumladan, piyodalar yo‘laklari va kirish-chiqish yo‘llariga qum-tuz aralashmalari sepilib, hududlar doimiy ravishda tozalanyapti.
Aholining xavfsiz va qulay harakatlanishini ta’minlash maqsadida mazkur ishlar uzluksiz davom ettiriladi.