Yangi yil barchamiz uchun farovonlik, tinchlik va ezgu maqsadlar yili bo‘lsin!
2025-12-31 10:00:00 / Vazirlik yangiliklar
Aziz yurtdoshlar, qadrli hamkasblar, quruvchilar, usta meʼmorlar va kommunal soha xodimlari!
Sizlarni kirib kelayotgan Yangi yil bilan chin qalbimdan muborakbod etaman.
O‘tib borayotgan yil mamlakatimiz hayotida muhim islohotlar, bunyodkorlik va yangilanishlar yili bo‘ldi. Muhtaram Prezidentimiz Shavkat Mirziyoyev boshchiligida qurilish va uy-joy kommunal xo‘jaligi sohasida amalga oshirilgan keng ko‘lamli ishlar, yangi loyihalar va boshlangan tashabbuslar avvalo inson qadri, aholi turmush sifati va qulay yashash muhitini ta’minlashga qaratildi.
Yangi yilda ham sohamiz oldida turgan ustuvor vazifalarni izchil davom ettirib, zamonaviy infratuzilma, sifatli uy-joylar va barqaror kommunal xizmatlar orqali xalqimiz ishonchini yanada mustahkamlash yo‘lida bor kuch va salohiyatimizni safarbar etamiz.
Ushbu fayzli bayram munosabati bilan barchangizga mustahkam sog‘liq, oilaviy osoyishtalik, xonadonlaringizga fayz-u baraka, ishlaringizga esa yangi yutuq va muvaffaqiyatlar tilayman.
Yangi yil barchamiz uchun farovonlik, tinchlik va ezgu maqsadlar yili bo‘lsin!
Hurmat bilan,
Sh.Hidoyatov Qurilish va uy-joy kommunal xo‘jaligi vaziri
