Veterinariya tizimini takomillashtirish va aholini ichimlik suvi bilan taʼminlash masalalari muhokama qilindi
2026-07-31 11:25:00 / Yangiliklar
Senatning Agrar, suv xoʻjaligi masalalari va ekologiya qoʻmitasi majlisida “Davlat veterinariya nazorati takomillashtirilishi munosabati bilan “Veterinariya toʻgʻrisida”gi Oʻzbekiston Respublikasi Qonuniga qoʻshimcha va oʻzgartirishlar kiritish haqida”gi Qonun dastlabki tarzda muhokama qilindi.
Mazkur Qonun davlat veterinariya nazorati tizimini yanada takomillashtirish, milliy qonunchilikni Jahon savdo tashkilotining Sanitariya va fitosanitariya choralari toʻgʻrisidagi bitimi hamda Jahon hayvonlar sogʻligi tashkilotining xalqaro kodekslari talablariga uygʻunlashtirishga qaratilgan.
Shu bilan birga, veterinariya sohasida hayvonlar kasalliklarining oldini olishga eʼtibor kuchaytirilmoqda, profilaktika choralari davolash ishlaridan ustun qoʻyilmoqda. Shuningdek, Qonunda veterinariya nazoratidagi tovarlar xavfsizligini taʼminlashga xizmat qiluvchi normalar mustahkamlanmoqda.
Bundan tashqari, hayvonlarning yuqumli kasalliklari boʻyicha hududlar va kichik hududlarni (kompartmentlarni) ajratish, ularning xavfsizlik toifalarini belgilash, veterinariya-sanitariya choralarini xavf tahlili asosida qoʻllash hamda davlat veterinariya xizmati nazoratidagi tovarlarni zarur hollarda laboratoriya tekshiruvidan oʻtkazishga oid normalar nazarda tutilmoqda.
Majlis yakunida Qoʻmitaning tegishli qarorlari qabul qilindi.