O‘zbekiston mahsulotlari eksporti uchun Xitoy bozorida yangi hamkorlik imkoniyatlari muhokama qilindi
2026-07-09 13:30:00 / Yangiliklar
Urumchi shahrida o‘tkazilgan 9-Xalqaro “Xitoy–Yevrosiyo” EXPO ko‘rgazmasi doirasida O‘zbekistonda yetishtirilgan mahsulotlar ekportini rivojlantirishga qaratilgan manfaatli uchrashuvlar tashkil etildi.
Oziq-ovqat mahsulotlari eksportiga ko‘maklashish bo‘limi tomonidan Xitoyning yirik importchi va distribyutorlari bilan yangi meva-sabzavotlar, quritilgan mahsulotlar, sitrus mevalar, dukkakli ekinlar, yong‘oq hamda qandolat mahsulotlarini eksport qilish masalalari muhokama qilindi.
Muzokaralar davomida:
- Guangxi Gaohe New Commerce & Trade Co., Ltd. kompaniyasi yangi uzilgan meva-sabzavot va sitrus mevalarni O'zbekistondan import qilishga qiziqish bildirdi;
- Younong Baifeng komlaniyasi vakillari bilan dukkakli ekinlar va yong‘oq importi bo‘yicha hamkorlik muhokama qilindi;
- Urumqi Anming Xing Nong Import and Export Trading Co., Ltd. kompaniyasi bilan yangi uzilgan meva-sabzavotlarni doimiy yetkazib berish imkoniyatlari ko‘rib chiqildi;
- Nankar International Trade (Heilongjiang) Co., Ltd. kompaniyasi bilan qandolat mahsulotlari eksporti yuzasidan muzokaralar o‘tkazildi;
- Khorgos City Yingshou Border Trade Farmers' Professional Cooperative korxonasi bilan quritilgan mahsulotlar importi muhokama etildi.
B2G shaklidagi uchrashuvlar Xitoy bozorida O‘zbekiston mahsulotlari eksporti hajmini oshirish, yangi savdo aloqalarini yo‘lga qo‘yish va hamkorlikni mustahkamlashga xizmat qiladi.