5-Toshkent xalqaro investitsiya forumi: oziq-ovqat mahsulotlari xavfsizligini ta'minlash masalalari muhokama etildi
2026-06-16 11:50:00 / Yangiliklar
5-Toshkent Xalqaro investitsiya forumi doirasida oziq-ovqat mahsulotlari xavfsizligi bo’yicha davra suhbati bo’lib o’tdi.
Davra suhbatida barqaror qishloq xo‘jaligi va oziq-ovqat innovatsiyasi sohasida O‘zbekiston-BAA hamkorligini rivojlantirish masalalari ko'rib chiqildi.
Birlashgan Arab Amirliklari Iqlim o‘zgarishi va atrof-muhit vazir o’rinbosari Mohammed Alnuaim hamda mamlakatimizning vazirlik va idora vakillar tomonidan taqdimotlar namoyish etildi.
Shu o’rinda O'zbekistonda oziq-ovqat mahsulotlari xavfsizligini ta'minlashda fitosanitariya yo'nalishida amalga oshirilayotgan ishlar haqida ma'lumot berildi. Jumladan, o'simliklarni himoya qilish vositalarinig qo'llanilishi, jahon standartlariga mos laboratoriya tahlillari joriy etilayotgani, mutaxassislar malakasini oshirish bo'yicha dastiurlar, eksportchilarni qo'llab-quvvatlash amaliyoti ko'rib chiqildi.
Tadbir yakunida istiqbolli loyihalar va investitsiyaviy hamkorlikni kengaytirishga, ikki davlat uchun dolzarb yo'nalishlar yuzasidan qo'shma loyihalar va dasturlar tashkil etishga kelishib olindi.