Hududlarda mevali bog'lar va ekinlar zararkunandalariga qarshi “Dolzarb o‘ttiz kunlik” tadbirlari boshlandi
2026-06-08 15:05:00 / Yangiliklar
2026-yil 8-iyundan 8-iyulga qadar respublika hududlarida “Dolzarb o‘ttiz kunlik” tadbirlari o‘tkaziladi.
Mazkur tadbir mevali bog‘lar va poliz ekinlarida uchraydigan zararli organizmlarga qarshi kurashish, ularning tarqalishini oldini olish hamda aholi va fermerlar o‘rtasida tushuntirish ishlarini kuchaytirishga qaratilgan.
"Dolzarb o‘ttiz kunlik" doirasida:
sharq mevaxo‘ri va qovun pashshasiga qarshi kurashish;
zarpechak va sudraluvchi kakra begona o‘tlarining tarqalishini bartaraf etish;
bog‘ va poliz maydonlarida fitosanitar monitoringlarni kuchaytirish;
fermerlar va tomorqa egalari uchun ko‘rgazmali seminarlar tashkil etish;
eksportbop mahsulotlarning fitosanitar talablar asosida nazoratini ta’minlash borasidagi chora-tadbirlar kuchaytiriladi.
Hududiy tashkilotlar, mahalliy hokimliklar hamda mas’ul muassasalar bilan hamkorlikda zararli organizmlarga qarshi kurashish bo‘yicha kompleks tadbirlar tashkil etilib, fitosanitar xavfsizlikni ta’minlash va eksport qilinayotgan mahsulotlar sifatini oshirishga alohida e’tibor qaratiladi.