Agentlikda korrupsiyaga qarshi kurash tizimini takomillashtirishga qaratilgan so‘rovnoma o‘tkazildi
2026-05-26 18:00:00 / Yangiliklar
Joriy yilning 7–15-may kunlari O‘simliklar karantini va himoyasi agentligi tizimida faoliyat yuritayotgan xodimlar o‘rtasida anonim so‘rovnoma o‘tkazildi. Mazkur so‘rovnoma xodimlarning korrupsiyaga qarshi kurashish borasidagi bilim va ko‘nikmalarini o‘rganish, shuningdek, Agentlik tizimida ushbu yo‘nalishda amalga oshirilayotgan ishlar samaradorligi yuzasidan ularning fikr va mulohazalarini aniqlash maqsadida tashkil etildi.
So‘rovnoma onlayn shaklda tashkil qilinib, unda Agentlik markaziy apparati hamda barcha hududiy va tizim tashkilotlari xodimlarining faol ishtiroki ta’minlandi. O‘tkazilgan so‘rov natijalari kelgusida korrupsiyaga qarshi kurashish mexanizmlarini yanada takomillashtirish, tizimda ochiqlik va shaffoflikni mustahkamlashga xizmat qiladi.