O‘zbekiston Respublikasi qishloq xo‘jaligi vazirligi huzuridagi o‘simliklar karantini va himoyasi agentligi

Delegatsiyalar rahbarlari ShHT doirasida fitosanitar xavfsizlik sohasida olib borilayotgan siyosat va hamkorlikni rivojlantirish istiqbollari yuzasidan fikr almashadilar. Jumladan:

qishloq xo‘jaligi mahsulotlari o‘zaro savdosini rivojlantirishga xizmat qiluvchi omil sifatida fitosanitar sohada sheriklikni mustahkamlash;
tartibga solinadigan zararli organizmlar ustidan nazorat va monitoring mexanizmlarini takomillashtirish;
xalqaro savdoda o‘simliklar karantini ta’minlash;
fitosanitar sertifikatlarning elektron almashinuvini rivojlantirish masalalari muhokama qilinadi.

🇰🇬 Dastlab tadbir doirasida Qirg'iz tomoni so'zga chiqdi.  ShHT makonida hamkorlik haqida so'z borar ekan, O'zbekistonning fitosanitariya sohasida raqamlashtirish yo'nalishidagi yutuqlarini ta'kidladi va chegara hududlarida savdoni rivojlantirishdagi ko'magini alohida e'tirof etdi.

Belorus Respublikasi vakili - Tatyana Balashova ham o'z nutqida O'zbekiston tomoni bilan fitosanitar sertifikatlarning elektron almashinuvi yo'lga qo'yilganini qayd etdi. Bu amaliyot ikki davlatning ishbilarmon doiralari o'rtasida qulaylik yatarib, shaffoflikni ta'minlashga asos bo'layotgani e'tirof etdi.

E’tiborlisi, joriy yilgi o‘simliklar karantini sohasidagi hamkorlikka bag‘ishlangan uchinchi yig‘ilishda ShHT elektron platformasida yagona fitosanitar xavfsiz maydonni yaratish maqsadida fitosanitariya yo‘nalishida alohida bo‘lim tashkil etilishi kutilmoqda. Unda ShHTga a’zo davlatlar shaffoflikni ta’minlash borasida o‘zining fitosanitar talablarini e’lon qilib boradi, tizimda ma’lumotlarning tezkor almashinuvini ta’minlash, karantin osti mahsulotlari savdosining o‘zaro rivojlanishiga ko‘maklashish, fitosanitar xavflar yuzasidan erta ogohlantirish mexanizmlarini qo‘llab-quvvatlash yo‘nalishlari aks etadi.

Joriy yilda O‘zbekiston tomonidan O‘simliklar karantini va himoyasi agentligi direktorining maslahatchisi Ulug‘bek Yunusov so‘zga chiqib, fitosanitar xavfsizlikni ta’minlash borasida mamlakatimizdagi so‘nggi o‘zgarishlar, qonunchilikdagi haqida ma’lumot berib o‘tadi. 

ShHT doirasida Belorussiya, Hindiston, Qozog'iston, Pokiston, Rossiya bilan karantinosti mahsulotlari uchun fitosanitar sertifikatlarning elektron almashinuvi amalga oshiriladi. Kelgusida mazkur amaliyotni Eron va Qirg'iziston karantin xizmatlari bilan yo'lga qo'yish rejalashtirilmoqda.

Ma’lumot o‘rnida qayd etish lozim, ShHT makonida fitosanitariya xavfsizligini ta’minlash masalalarini muhokama qilish bo‘yicha mazkur hamkorlik mexanizmi O‘zbekiston tashabbusi bilan tashkil etilgan. Birinchi yig‘ilish O‘zbekistonning ShHTdagi raisligi doirasida 2022-yilning 17-may kuni Toshkent shahrida o‘tkazilgan.