Jizzax viloyatida qishloq xoʻjaligi sohasida islohotlar va loyihalar
2024-12-21 10:00:00 / Yangiliklar
Jizzax viloyatida soʻnggi 5 yilda 81,9 ming gektar, shu jumladan, 70,9 ming gektar lalmi-yaylov yer maydonlari oʻzlashtirildi, 11,0 ming gektar suvli yerlar qishloq xoʻjaligida qayta foydalanishga kiritildi.
Ushbu yerlardan 229 817 tonna sabzavot, 202 910 tonna poliz, 23 475 tonna dukkakli, 6 257 tonna moyli, 673 788 tonna ozuqa hamda 6 tonna dorivor mahsulotlar olindi.
Gʻallaorol tumanida “Agro in vitro” invitro usulida koʻchat yetishtirish kompleksi ishga tushirildi.
2021-2024-yillarda 19,4 ming gektar yer maydonlari dexqon xoʻjaliklari uchun yoshlar va kam taʼminlangan oilalarga auksion savdo orqali tarqatib berildi.
Dala chetlari va irrigatsiya tarmoqlari qirgʻoqlarida 5,0 ming gektar boʻsh yerlarga 14 mln tup (tut, uzum, terak kabi) koʻchatlar, 162 gektar sabzavotlar, 3893 gektar poliz shundan, 3114 gektar oshqovoq va boshqa 143 gektar boshqa turdagi mahsulotlar ekildi.Kelgusi yilda ham bu ishlarni davom ettirilib, 6 ming ta fermer xoʻjaliklarining dala chetlarida 2,5 ming gektar boʻsh turgan yerlarga mevali va manazarali koʻchatlar, poliz va sabzavot ekinlari ekiladi hamda 150 mlrd. soʻmlik qoʻshimcha daromad olinadi.
Jizzax viloyatida 2024-yilda investitsiya dasturlari doirasida 47 km kanallar betonlashtirilib, 26,5 mln.metr kub suv iqtisod qilindi.
Soʻnggi 6 yilda bogʻlar maydoni 6 barobar koʻpayib, 32,5 ming gektarga hamda uzumzorlar 9 barobar oshib, 15,5 ming gektarga yetdi
Zomin tumani markazidagi 13 ta mahallalarda 8300 ta xonadonlar uyiga tutash yoʻl boʻyida ishkomlar qurilib, 300 ming tupga yaqin “kelin barmoq”, “xusayni”, “rizamat ota” va “shoxona” kabi uzum koʻchatlari ekildi.
2021-yilda 1,2 mln. Yevroga, 2022-yilda 2,7 mln. Yevroga, 2023-yil 4,5 mln. Yevroga zaʼfaron eksport qilindi. Joriy yil yakuni bilan 5,1 mln. Yevroga yetkaziladi. “Chaqmoq” fermer xoʻjaligi tajribasi asosida 2025-yilda har bir tumanda bittadan chorvachilik kooperatsiyasi tashkil etiladi.